Усё пра беларускую літаратуру
Інтэрнэт-бібліятэка “Камунікат” выпусціла новае электроннае выданне: кнігу філосафа Алеся Анціпенкі “Адвайта Веданта на далоні”. Кніга – вынік рэфлексіі і медытацыі над сутнасцю Адвайта Веданты, рэлігійнага і філасофскага вучэння, якое базуецца на старажытнаіндыйскіх сакральных тэкстах Упанішады.
90 год таму ў Мінску пачала стварацца новая арганізацыя: Саюз пісьменнікаў БССР. Мінулыя суполкі былі знесеныя бульдозерам прапагандысцкай машыны, разнастайнасць не віталася, патрабавалася толькі адна афіцыйная лінія літаратуры. Пісьменнікі, якія пазбеглі рэпрэсій пачатку 1930-х, згуртаваліся для выжывання ў страшныя часы.
Днямі фестываль інтэлектуальнай кнігі “Прадмова” абвесціў у сваіх сацыяльных сетках вынікі тэндэру да выдання пераможцаў конкурсу “Шуфлядка”, абвешчанага ў 2022 годзе для тых, хто мае сваю кнігу і хоча яе надрукаваць. Такім чынам, кнігу Эліяш Барт, «Джа. Легенда аб забраным сэрцы» надрукуе выдавецтва Gutenberg Publisher; кнігу Дзяніса Марціновіча «Слюнькоў. Палітычная […]
Да 90-годдзя Саюза беларускіх пісьменнікаў творцы з усяго свету зладзілі адмысловы флэшмоб і стварылі паэтычную відэа-хрэстаматыю #незагаснуцьзоркіўнебе. У знак салідарнасці з беларускімі пісьменнікамі актор, тэлевядоўца, блогер Аляксандр Ждановіч (Маляваныч) чытае верш Пімена Панчанкі «Родная мова».
На 95-м годзе жыцця памёр французска-чэшскі пісьменнік Мілан Кундэра – адзін з найвялікшых раманістаў XX стагоддзя. У літаратуры дэбютаваў у 1960-я, прымаў актыўны ўдзел у падзеях Пражскай вясны. Яго кнігі былі забароненыя і выняты з усіх бібліятэк Чэхаславакіі, таксама ён не меў права выкладаць на радзіме. У 1975 годзе эміграваў […]
Сёння ў знак салідарнасці з беларускімі пісьменнікамі намеснік старшыні Згуртавання беларусаў Вялікай Брытаніі, апякун Беларускай бібліятэкі і музею імя Францішка Скарыны ў Лондане, адзін з заснавальнікаў і кіраўнікоў Згуртавання беларускіх прафесійных работнікаў Брытаніі Павал Шаўцоў чытае верш Максіма Танка «Спатканне».
9 ліпеня, на беразе Віслы каля варшаўскага Музея Сучаснага Мастацтва (Wybrzeże Kościuszkowskie, 22) пройдзе літаратурна-музычны фестываль Huchna Fest. Уваход на ўсе падзеі вольны. Акрамя музычнай сцэны, арт-маркета і пляцоўкі сацыяльных актыўнасцяў з 13:00 да 17:00 на фестывалі працуе сцэна СучБелЛіта.
3 ліпеня — спаўняецца 105 гадоў з дня нараджэньня беларускага крытыка Рыгора Бярозкіна (1918-1981). Сталінскі вязень, герой вайны, гэты чалавек, па словах Алеся Адамовіча, заставаўся непераўзыдзеным узорам таго, як трэба пісаць пра беларускую літаратуру. Нарадзіўся Рыгор Бярозкін у Магілёве 3 ліпеня 1918 года. Бацька яго быў бухгалтар, маці – работніца панчошнай майстэрні. У […]
Паэтка Наста Кудасава — чулы праваднік болю і сведка цёмных часоў. У новым выданні падкасту “Літрадыё” Наста распавядае пра смерць таты як пачатак яе сталення, няшчаснае каханне і магію прыроды. Пра алкаголь, без якога немагчыма выносіць рэчаіснасць. І, вядома ж, пра паэзію як сэнс існавання.
Новы выпуск праекта “Кнігі без літар” Міжнароднага саюза беларускіх пісьменнікаў і фонда “Камунікат” — першая кніга знакамітага цыклу Святланы Алексіевіч “Галасы Утопіі”. Слухачы здолеюць пазнаёміцца з аўтарскай рэдакцыяй «Галасоў Утопіі» ў найноўшым беларускім перакладзе Валянціна Акудовіча.
