Усё пра беларускую літаратуру
7 лістапада ў Гданьску прайшла прэзентацыя навінкі выдавецтва Sviedki — “Аўтапартрэт з Беларуссю і без”, кнігі, якая працягвае серыю “Голас пакалення свабоды”. Гэтым разам чытачоў чакаюць шэсць гутарак з людзьмі аднаго пакалення пра жыццё ў савецкай і незалежнай Беларусі, асабісты выбар, мову, культуру, гісторыю і досвед свабоды. Герояў кнігі аб’ядноўвае […]
У выдавецтве Gutenberg Publisher выйшала новая кніга псіхалагіні Вольгі Вялічкі “Нябачныя: Галасы жонак беларускіх палітвязняў”. Гэтым разам суразмоўніцамі аўтаркі сталі жанчыны, чые мужы трапілі за краты за свае перакананні. Некаторыя з гераінь выступаюць пад уласным імем, іншыя схаваныя за псеўданімамі. Іх гісторыі паказваюць цэлы пласт невідочных цяжкасцяў, выпрабаванняў і душэўнага […]
Новая выдавецкая ініцыятыва “Дна Няма” збірае грошы на выданне кнігі вядомага антраполага Дэвіда Грэбера “Булшыт Джобз”. Партнёр ініцыятывы — выдавецтва Gutenberg. Дэвід Грэбер (1961-2020) быў антраполагам і адным з самых гучных галасоў Occupy Wall Street, якому прыпісваюць лозунг “Мы — 99%”. Эсэ пра бессэнсоўную працу ён апублікаваў у 2013 годзе, яно стала вірусным і было перакладзена на дзясяткі моў, а праз пяць гадоў […]
Выдавецтва Універсітэту Казіміра Вялікага ў Быдгашчы выпусціла фундаментальны збор публіцыстычнай спадчыны беларускага палітыка і музыказнаўцы міжваеннага часу Альбіна Стаповіча. Кніга — плён шматгадовай працы праф. Алены Глагоўскай. Альбін Стаповіч (1894—1934) — адзін з найпрыкметнейшых беларускіх дзеячаў у Вільні ў 1920-я — 1930-я гады. Выкладчык і кіраўнік хора Віленскай беларускай гімназіі, […]
Гэтай восенню ў выдавецтве INEXKULT выйдзе кніга “Стрэл… Аляксей Стрэльнікаў. Галасы, тэксты, успаміны”. Кніга ўяўляе сабой мазаіку з тэкстаў і думак самога Аляксея Стрэльнікава, успамінаў блізкіх, урыўкаў ліставання і пастоў з сацсетак. Аляксей Стрэльнікаў быў даследчыкам, артыстам, выкладчыкам, радыёвядоўцам, культурным мэнэджарам і, што найважней, — сябрам для многіх, расказваюць у выдавецтве. […]
У выдавецтве “Камунікат” пабачыла свет кніга “Тэхналогіі контррэвалюцыі” аўтарства Міколы Дзядка, падзяліўся ў сацсетках навіной былы палітвязень. Першыя прэзентацыі кнігі адбудуцца 24 кастрычніка ў Беластоку, 25-га ў Варшаве, а 7 лістапада ў Брэмене. “У гэтай кнізе я пастараўся, наколькі мог рознабакова, разглядзець ўсё метады, сродкі і падыходы, якімі аўтарытарная дзяржава […]
У новым выпуску падкаста “Літаратурныя зацемкі” Сяргей Дубавец чытае ўспаміны беларускай і літоўскай германісткі, публіцысткі, літаратаркі і перакладніцы Галіны Войцік (1927—2007) “Там, дзе мяне няма”. Галіна Войцік была актывісткай беларускай супольнасці ў Вільні, даследчыцай і аўтаркай партрэтаў беларусаў Віленшчыны. Выпуск можна слухаць на soundcloud.com, а таксама на Spotify, Apple Podacst, Podcast Index і іншых пляцоўках. […]
На краўдфандынгавай пляцоўцы Gronka ідзе паралельны збор сродкаў на выданне адразу некалькіх беларускіх кніг. Гэта папулярная манаграфія пра лірніцтва на Беларусі, перакладная анталогія ўкраінскага расстралянага адраджэння і кніга-эсэ “Беларусы будучыні: ужо ў Еўропе”. Збор ідзе на двухмоўнае выданне “Antares. Анталогія ўкраінскага Расстралянага адраджэння”, укладальнікам якога выступае паэт і перакладчык Алесь […]
У выдавецтве “Пфляўмбаўм” выйшла літаратурна-культуралагічнае эсэ Тані Арцімовіч “Маніфест гародніцы”, у якім аўтарка звяртаецца да ўласных каранёў, каб адказаць на пытанне, а як магла б выглядаць лепшая, радыкальна іншая будучыня. Будучыня, якая б паклала канец эпосе сацыяльнага дамінавання і няроўнасці. Кніга “Маніфест гародніцы” Тані Арцімовіч расказвае гісторыю жанчыны, жыццё якой […]
Другая частка своеасаблівай аўтарская энцыклапедыі любові да радзімы, свабоды і незалежнасці Уладзіміра Арлова пад назвай “Імёны Свабоды” неўзабаве выйдзе з друку. У красавіку выходзіў першы том, у які ўвайшло 410 гістарычных партрэтаў з часоў Тадэвуша Рэйтана і Тадэвуша Касцюшкі. Хто яны — людзі, якія цягам больш як двух стагодзьдзяў змагаліся за свабоду і незалежнасць нашых […]
