Еўрапейскі гуманітарны ўніверсітэт абвяшчае збор заявак і дакладаў на міждысцыплінарную канферэнцыю, арганізаваную Лабараторыяй даследаванняў візуальнай культуры і сучаснага мастацтва, пад назвай “ЛІНІЯ ФРОНТУ ВАСІЛЯ БЫКАВА: ПАМІЖ ЛІТАРАТУРАЙ І КІНО”. Дэдлайн — 10 ліпеня.
Жыццёвы і мастацкі свет выбітнага пісьменніка Васіля Быкава праходзіць па лініі фронту, як асабістага, так і палітычнага. У драматычных аповесцях і аповесцях Быкава героі пэўным чынам месяцца адносна лініі фронту, незалежна ад таго, сустракаюцца яны з ёй або пераходзяць яе. Перадусім гэта не тая фізычная лінія, якую можна намаляваць на ваеннай карце: хутчэй, гэта лінія, за якой ляжыць варожы свет. Гэтая лінія можа праходзіць па прасёлкавай дарозе побач з вёскай у цэнтры акупаванай тэрыторыі. У той жа час лінія можа праходзіць “па псіхіцы” ягоных герояў у моманты іх экзістэнцыйнага крызісу.
Тэматыка, якая цікавіць арганізатараў:
- Псіхабіяграфічнае і палітычнае вымярэнні досведу вайны ў літаратуры і кіно
- Вайна і мір Васіля Быкава: лінія фронту як семіятычная мяжа
- Экранізацыі экзістэнцыяльнай прозы Васіля Быкава: формы і межы кінематаграфічнай рэпрэзентацыі
- Жанчына як зніклы “Іншы” ў прозе, біяграфічным наратыве і экранізацыях Быкава
- Савецкае vs. беларускае: эвалюцыя кінематаграфічнай рэпрэзентацыі творчасці Быкава ў часы адлігі, застою і постсавецкага перыяду
- Спадчына Васіля Быкава і палітыка памяці ў Беларусі: да і пасля 2020 года.
Заяўка на ўдзел мусіць уключаць назву даклада, анатацыю аб’ёмам каля 300 слоў, кароткую біяграфію (макс. 150 слоў) і кантактныя дадзеныя заяўніка. Адпраўляючы прапанову, пазначце сваё імя і назву працы ў радку тэмы, а таксама пазначце ў лісце, ці плануеце вы прысутнічаць анлайн або асабіста. Адрас падачы — conferencevasilbykausfrontline@gmail.com
Усе дадатковыя пытанні накіроўваць на гэты ж адрас.
Дэдлайн падачы заявак: 10 ліпеня
Падвядзенне вынікаў: да 20 ліпеня.
Удзельнікі самастойна пакрываюць праезд і пражыванне ў Вільні. Беларускім навукоўцам з групы рызыкі, незалежным навукоўцам і аспірантам арганізатары пастараюцца кампенсаваць выдаткі (да 200 еўра) на дарогу і пражыванне.
Канферэнцыя пройдзе 24-25 верасня ў Еўрапейскім гуманітарным універсітэце (Savičiaus g. 17, Вільня, Літва). Таксама магчымы анлайн-удзел.
У кожнага ўдзельніка будзе дваццаць хвілін на прэзентацыю даклада, пасля чаго адбудзецца дзесяціхвіліннае абмеркаванне.
Мовы канферэнцыі: ангельская / беларуская / расейская
Выданне матэрыялаў канферэнцыі:
Арганізатары просяць паведаміць ім пры падачы заяўкі на ўдзел у канферэнцыі, ці зацікаўлены заяўнік у дапрацоўцы свайго даклада ў артыкул (20—40 000 знакаў), які будзе апублікаваны на ангельскай мове ў калектыўным зборніку або спецыяльным нумары навуковага часопіса.
Аргкамітэт канферэнцыі:
Ціхан Чарнякевіч (Міжнародны саюз беларускіх пісьменнікаў)
Наташа Друбэк (Apparatus: кіно, медыя і лічбавыя культуры ў Цэнтральнай і Усходняй Еўропе)
Алена Гапава (Універсітэт Заходняга Мічыгана, ЗША)
Андрэй Горных (Еўрапейскі гуманітарны ўніверсітэт, Літва)
Сайман Льюіс (Брэменскі ўніверсітэт)
Альміра Усманава (Еўрапейскі гуманітарны ўніверсітэт, Літва)
