Выдавецтва “Тэхналогія” падрыхтавала да друку невялікую навукова-папулярную кнігу “Як гавораць беларусы”, прысвечаную беларускай мове. Аўтар кандыдат філалагічных навук Вадзім Шклярык, які займаецца папулярызацыяй беларускай мовы, удзельнічаў у розных журналісцкіх праектах, у тым ліку ў дакументальным фільме — “Гаворкі Беларусі“.
У кнізе, як піша Onlíner, даступна расказваецца пра тое, чым беларуская мова адрозніваецца ад рускай і ўкраінскай, якая ў яе дыялектная аснова, што адметнага ёсць у гаворках Беларусі. Да прыкладу, у выданні вы знойдзеце адказы на пытанні, што такое ганавíцы і мя́тлушка, дзе ў нас гавораць мухá і куры́ца і якіх беларусаў раней называлі сакунамі.
![](http://bellit.info/wp-content/uploads/2024/04/snapinsta.app_437517804_18016904096239908_186522607308985179_n_1080-1024x932.jpg)
![](https://bellit.info/wp-content/uploads/2024/04/35dfca9e741b056145146ffcdbe60811-1-978x1024.png)
![](https://bellit.info/wp-content/uploads/2024/04/468c2d545d39adaa7b9ca7aa7fee202d-977x1024.png)
![](https://bellit.info/wp-content/uploads/2024/04/12b7c1e4957398693faf427e369adb25-1-979x1024.png)
У дадатак да паказальных прыкладаў амаль на кожнай старонцы кнігі змешчаны QR-коды са спасылкамі на адпаведныя карты з “Дыялекталагічнага атласа беларускай мовы” і “Лексічнага атласа беларускіх народных гаворак”. У якасці ілюстрацый выкарыстаны выявы архітэктурных славутасцяў Беларусі ад мастачкі Надзеі Леановіч.
![](https://bellit.info/wp-content/uploads/2024/04/snapinsta.app_434458234_18016904105239908_8432216049467624140_n_1080-1024x932.jpg)
![](https://bellit.info/wp-content/uploads/2024/04/80a9533f1ee8da36b47cfae05bea4899-1022x1024.png)
![](https://bellit.info/wp-content/uploads/2024/04/f67c83c6c6402eca2f476049dea90515-1024x1024.png)
![](https://bellit.info/wp-content/uploads/2024/04/dae730778de95b03c6e522d16a2ceef9-1022x1024.png)
Акрамя таго, зараз відэарэдакцыя Onlíner працуе над мантажом дакументальнага фільма, у якім будуць паказаны ўсе этапы працы над кнігай “Як гавораць беларусы” (ад узнікнення задумы да стварэння макета і непасрэднага выдання), з каментарыямі ўдзельнікаў працэсу. Пакуль жа прапануем паглядзець відэаанонс:
Выхад кнігі з друку запланаваны на другую палову красавіка 2024 года, але заказаць яе па выдавецкім кошце можна ўжо цяпер.