Да выдання рыхтуецца новая кніга для дзяцей — шукаюць спонсараў

Музыка, папулярызатар фальклёру Сяржук Доўгушаў расказаў у фэйсбуку, што яны з камандай рыхтуюць да выдання новую дзіцячую беларускую кнігу — “Забаўлянкі”.

“Забаўлянкі” — гэта яскравая і інтэрактыўная кніга для дзетак і бацькоў.

“Амаль усё зроблена, засталося знайсці грошы на афармленне, дызайн і друк. Шукаем спонсараў і інвестараў”, — піша Сяржук Доўгушаў і заклікае ўсіх зацікаўленых пісаць яму ў прыватныя паведамленні.

Як раней раскаваў Bellit.info, у чэрвені пабачыў свет папярэдні праект для дзяцей і бацькоў ад Сяржука Доўгушава — укладзены ім зборнік “Беларускія калыханкі”, сродкі на які збіраліся на краўдфандынгавай платформе.