Выдавецтва Рамана Цымберава анансавала выхад кнігі Яўгена Папакуля “Ордэн шэрай макрыцы”. Цяпер адкрыты перадзаказ на гумарыстычнае фэнтэзі.
Сам аўтар падзяліўся ў сацсетках навіной і расказаў, што ідэя кнігі ўзнікла падчас абмеркавання культавых дарк-фэнтэзі фільмаў 80—90-х, менавіта таму “Ордэн шэрай макрыцы” напісаўся як своеасаблівае жартаўлівае пераасэнсаванне жанру фэнтэзі.
“Ад самага пачатку аповесць пісалася не для дзяцей і не для падлеткаў, мэтавая аўдыторыя кнігі — катэгорыя чытачоў “young-adult”, менавіта таму было вырашана паставіць на кнізе пазнаку 16+. Больш юныя чытачы могуць проста не зразумець усе адсылкі, пасхалкі ды іронію”, — тлумачыць Яўген Папакуль.
Выданне аздобленае больш як трыццаццю каляровымі ілюстрацыямі Соф’і Кудзелінай.
Замовіць можна проста цяпер па спасылцы Kniger.by.
