Кніга з беларускімі калыханкамі — перадзамова

Ініцыятыва “Традыцыя” падрыхтавала да друку кнігу “Беларускія Калыханкі” і абвясціла пра магчымасць перадзамовіць выданне з дастаўкай па ўсім свеце са зніжкай.

Цэлы шэраг спонсараў, якія ужо падтрымалі збор, атрымаюць кнігу ў падарунак. Але аўтары праекту вырашылі павялічыць наклад з 500 асобнікаў да 1000. Такім чынам тыя, хто перадзамовіць кнігу, аўтаматычна падтрымае выыданне.

Зрабіць замову можна па спасылцы праз гугл-форму.

Акрамя нот і тэкстаў беларускіх калыханак будзе даступны яшчэ і аўдыядадатак, каб кожны мог паслухаць, як гучаць песні. Распрацоўкай дадатку займаюцца Воля Дземка і гурт VOLYA.​

Таксама ў кнізе будуць тэксты па-ангельску з гісторыямі пра ўсіх персанажаў беларускіх калыханак.