Ганчук Аляксей

Ганчук Аляксей Іванавіч (нар. 17.1.1954, в. Навасёлкі, Кобрынскі раён Брэсцкай вобласці). Паэт, журналіст. Уваходзіў у сябры СБП.

Служыў у войску. Закончыў кінафотафакультэт Маскоўскага завочнага народнага ўніверсітэта мастацтваў. Працаваў рабочым, фатографам, карэспандэнтам і фотакарэспандэнтам рэгіянальных газет. Жыве ў Жабінцы.

Пачаў пісаць вершы падчас службы ў войску. Друкаваўся ў рэгіянальных і рэспубліканскіх выданнях. Аўтар зборніка вершаў “Белы ганак” (Брэст, 2010).