Новую кнігу “Алесь. За беларускае жыццё…”, прысвечаную Нобелеўскаму лаўрэату прэміі міру Алесю Бяляцкаму, якая ў канцы 2024 году выйшла ў Беластоку, цяпер выклалі ў вольны доступ на сайце “Рацыі”.
Спампаваць кнігу “Алесь. За беларускае жыццё…” ў PDF
змест кнігі складаюць размовы Міхася Андрасюка з Алесем Бяляцкім з цыклу “Вочы ў вочы”, якія гучалі на беларускім Радыё Рацыя, успаміны Алеся Бяляцкага пра музей Максіма Багдановіча, якія таксама друкаваліся на сайце Racyja.com, інтэрв’ю Алеся Бяляцкага, якія гучалі ў эфіры радыё, Нобелеўская прамова, якую зачытвала жонка лаўрэата Наталля Пінчук, апошняе слова Бяляцкага на палітычным карным працэсе і ягоныя лісты з савецкага войска, якія друкуюцца ўпершыню.
Выданне багата аформленае рэдкімі фотаздымкамі розных гадоў, некаторыя з якіх таксама публікуюцца ўпершыню.
