Першая кніга паэта і аўтара песняў Рамана Абрамчука “Вершы для храмаў, сіза, ічу” выйшла ў выдавецтве Hochroth Minsk, якое месціцца ў Берліне. Пра гэтага расказаў выдавец і паэт Дзмітрый Строцаў.
У зборнік увайшлі тэксты, напісаныя ў перыяд з восені 2020-га па 2024, прысвечаныя пратэстам, эміграцыі, вайне і палітвязням. Кнігу склала і прапанавала да выдання паэтка Наста Кудасава.
Каб замовіць кнігу “Вершы для храмаў, сіза, ічу” Рамана Абрамчука і іншыя кнігі можна пісаць на адрас: minsk@hochroth.de.
Прэзентацыя зборніка плануецца на сярэдзіну траўня ў Варшаве.
