Сустрэчай у Сопаце 22 чэрвеня працягнецца тур аўтараў медыя-праектаў “Трызуб і Пагоня” і “Сармат” Кацярыны Ваданосавай, Васіля Калача і Алеся Кіркевіча.
Увесну дыскусія-выстава “Гонар і Годнасць! Міфы і Праўды пра шляхту Вялікага Княства Літоўскага” з поспехам прайшла ў Варшаве, Лодзі, Кракаве і Быдгашчы. 20 чэрвеня сустрэча пройдзе ва Ўроцлаве, 21-га — у Познані, а пасля, 22-га — у Сопаце.
Што такое шляхта? Як і за кім “панове” ваявалі? Дзе жылі? На якой мове размаўлялі? Як выхоўвалі дзяцей? Як зараблялі грошы? Пагаворым пра шляхецкія гербы, традыцыі, прозвішчы, прыгон і – спадчыну, якую пакінула па сабе наша шляхта. Дзе гістарычная праўда, а дзе – міф?..
Падчас дыскусіі чакаецца не толькі шчырая гутарка пра жыццё старабеларускай шляхты, але і дэманстрацыя рэканструяваных зброі і адзення часоў ВКЛ.
Уваход вольны
Час: субота 22 чэрвеня, 19:00
Адрас: Сопат
Mara Hub, ul. Malczewskiego 21
Мерапрыемства ладзіцца ў межах праграмы “ArtPower Belarus” у сумесным праекце Міжнароднага Саюза беларускіх пісьменнікаў і кампаніі “Будзьма беларусамі”.
