Донаў Павел (нар. 1983, Орша, Віцебская вобл.). Перакладчык.
Закончыў Беларускі ўніверсітэт інфарматыкі і радыёэлектронікі па спецыяльнасці “штучны інтэлект” (2006). Прыкладна ў той жа час зацікавіўся перакладамі. Перакладае з ангельскай і ўкраінскай. Працуе інжынерам-праграмістам. Пераможца конкурсу перакладаў лірыкі гурта Metallica на Еўрарадыё. Перакладаў Говарда Філіпса Лаўкрафта, Герберта Ўэлса, Інід Блайтан, Рыенан Лэсістэр, ангельскія народныя казкі і інш.
