7 верасня ў 18:00BY / 17:00PL у межах цыклу “Санаторый пад клепсідрай” адбудзецца анлайн-паказ творчага вечар кракаўскага паэта Войцеха Бановіча. Мадэратарам сустрэчы і перакладчыкам паэзіі Бановіча на беларускую мову выступіць паэт Андрэй Хадановіч.
Войцех Бановіч у 2020 годзе быў госцем менскага паэтычнага фестывалю “Вершы на асфальце” імя Міхася Стральцова, таму пазнейшыя падзеі ў Беларусі для яго не былі абстракцыяй, — расказвае ў Facebook Андрэй Хадановіч.
КРОКІ
Яны не адступаюць не хаваюцца не апускаюць галоваў
не робяць ні кроку назад хіба што робячы два крокі наперад.
А тыя іх рассякаюць збіваюць хапаюць і зноў збіваюць.
Іх спіны сінеюць іх ягадзіцы ў крывавых падцёках.
Ды не адступаюць а крочаць далей спяваюць
іх атачаюць яны выбухаюць смехам і атачаюць самі.
Ты кажаш не маеш сіл? Паглядзі на іх: яны ўсё бліжэй і ўжо
не зробяць болей ні кроку назад хіба што робячы два наперад.
пераклад Андрэя Хадановіча
Акрамя ўласнай творчасці, паэт прадставіць два ўлюбёныя вершы нобелеўскай лаўрэаткі Віславы Шымборскай, стагоддзе якой сёлета адзначаецца, і пракаментуе свой выбар.
Размова будзе весціся на беларускай і польскай мовах з беларускімі субтытрамі.
