Аргкамітэт прэміі імя Ежы Гедройця абвяшчае доўгі спіс твораў, намінаваных у 2026 годзе на галоўную ўзнагароду, якой адзначаюцца арыгінальныя празаічныя кнігі.
У адпаведнасці са статутам прэміі журы абрала дванаццаць кніг, якія выходзілі па-беларуску розных краінах. Частка з іх прадстаўлена ў зашыфраванай форме ў мэтах бяспекі.
У 2026 годзе ў доўгі спіс прэміі ўвайшлі наступныя кнігі:
- “Цесля жыцця” – Сяргей Дубаўцэвіч (зашыфраваны ўдзел)
- “Пляц” – Зміцер Залозны (зашыфраваны ўдзел)
- “Проста з любові. Рэпарцёрскія партрэты памяці” – Ганна Кандрацюк (Цэнтр беларускай культуры ў Беластоку, 2025)
- “Халодныя землі” – Аляксандр Карнаўх (Gutenberg Publisher, 2025)
- “Лірнік” – Аляксандр Касцюковіч (зашыфраваны ўдзел)
- “Эйфарыя” – Марыя Пархімчык (Пфляўмбаўм, 2025)
- “Цягнік да Познаня” – Аляксей Правалоцкі (Gutenberg Publisher, 2025)
- “Радзіна” – Збых Слупоўскі (Галіяфы, Maraton, 2025)
- “Боў і мерць у Хротне” – Дзяніс Трусаў (Kamunikat.org, 2025)
- “Раз два тры чатыры два” – Пётр Уманскі (RozUM Media, 2025)
- “Пентаквантар” (кнігі 1 і 2) – Арцём Шуканаў (Gutenberg Publisher, 2025)
- “Спроба эксперыментальнага канструявання сябе” (кнігі 1 і 2) – Макс Шчур (SayBeat, 2025)
У склад публічнага журы Прэміі Гедройця сёлета ўваходзяць:
- Сяргей Календа – пісьменнік, культуролаг, рэдактар, аўтар кніг кароткай прозы, казак і рамана. Таксама піша пад псеўданімам Аляксандар І. Бацкель. Мае вышэйшую адукацыю па спецыяльнасці культуролаг-гебраіст, выкладчык-даследчык. Сябра Саюза беларускіх пісьменнікаў, сябра Беларускага ПЭНа. Стваральнік і галоўны рэдактар часопіса «Макулатура». Лаўрэат прэміі «Празрысты Эол 2018» за найлепшую электронную кнігу. Атрымаў узнагароду «Выбар Святланы Алексіевіч» у фінале прэміі імя Ежы Гедройця 2019. Цяпер працуе з часопісам беларускай прозы «Мінкульт», піша дзіцячыя кнігі. Жыве ў Вільні.
- Сяргей Дубавец – беларускі журналіст і літаратар, лаўрэат прэміі Гедройця мінулага года. Працаваў у выдавецтве БелСЭ, газеце «Гомельская праўда», нелегальным друку. Быў рэдактарам аддзела крытыкі часопіса «Нёман», галоўным рэдактарам газет «Наша Ніва» і «Свабода», радыё «Балтыйскія хвалі». Аўтар штотыднёвай перадачы «Вострая Брама» на «Радыё Свабода», аўтар і вядоўца падкаста «Літаратурныя зацемкі».
- Яана Бэрнатовіч – польская перакладчыца, рэдактарка і літаратуразнаўца. Яе пераклады і рэцэнзіі публікаваліся ў такіх часопісах, як «Fabularia», «Znak» і «Dwutygodnik». У 2021 годзе была стыпендыяткай імя Паўля Цэлана для перакладчыкаў у Інстытуце гуманітарных навук у Вене. Сярод яе перакладаў – «Доўгая дарога дадому» Васіля Быкава, «Сабакі Эўропы» Альгерда Бахарэвіча і многія іншыя творы беларускай літаратуры, якія яна адкрывае польскаму чытачу.
- Сяргей Кавалёў – беларускі драматург, крытык, паэт, літаратуразнаўца. Доктар філалагічных навук. Даследуе праблемы сучаснай беларускай паэзіі, спецыяліст па літаратуры Вялікага Княства Літоўскага XVI–XVIII ст. Драматург, стваральнік жанру герменеўтычнай драматургіі. Аўтар п’ес, напісаных на гістарычным, фальклёрным матэрыяле і пастаўленых у Беларусі, Расіі, Украіне, Польшчы, Славакіі, Балгарыі. Узнагароджаны медалём Камісіі нацыянальнай адукацыі Польшчы, Залатым Крыжам Рэспублікі Польшча.
- Ганна Янкута – пісьменніца, перакладчыца і літаратуразнаўца, аўтарка твораў для дзяцей і дарослых, шматлікіх артыкулаў і эсэ пра літаратуру і фемінізм. Кандыдатка філалагічных навук (2018). Перакладае з польскай і ангельскай.
Што далей
Наступным этапам будзе адбор шасці твораў у кароткі спіс прэміі, а пасля з яго будуць абраны кнігі, што атрымаюць першае, другое і трэцяе месцы.
Цырымонія ўзнагароджання пераможцы адбудзецца 7 лістапада ў Гданьску.
Арганізатары прэміі: Беларускі ПЭН і Міжнародны саюз беларускіх пісьменнікаў
