Адметнасцю 78-га віленскага аўкцыёну старадрукаў і адным з самых дарагіх лотаў усёй калекцыі з’яўляецца кніга «Апостол. Деяния апостольская и послания соборная, и послания святаго апостола Павла» надрукаваная ў друкарні Лявона і Кузьмы Мамонічаў у Вільні.
На аўкцыёне прадстаўлена першае віленскае выданне на стараславянскай мове на 273 арыгінальных старонках. У сусветных бібліятэках і бібліяграфічнай літаратуры вядома толькі 26 экзэмпляраў і 3 фрагменты (большасць з іх у Расіі). Такой кнігі няма і ў дзяржаўных бібліятэках Літвы.
Аўкцыён пройдзе 8 верасня ў галерэі „Kunstkamera“ (Ligoninės g. 4, Vilnius). Пачатковы кошт кнігі: 23000 еўра.
Фота: Vilniaus Aukcionas
