29 кастрычніка на фестывалі інтэлектуальнай кнігі “Прадмова” ў Беластоку ўручылі Літаратурныя прэмія імя Францішка Багушэвіча і імя Алеся Адамовіча, якія традыцыйна прысуджае Беларускі ПЭН.
Лаўрэаткай прэміі імя Францішка Багушэвіча, якая ўручаецца за гістарычныя працы, стала навукоўца Таццяна Астроўская за кнігу “Культура і супраціў. Інтэлігенцыя, іншадумства і самвыдат у савецкай Беларусі (1968-1988)”, прысвечаную культурніцкаму змаганню з аўтарытарызмам.
![](https://bellit.info/wp-content/uploads/2023/10/396725249_347957914412047_4226523162513382163_n-790x1024.jpg)
Прэміяй імя Алеся Адамовіча, якая вылучае аўтараў і аўтарак найлепшых публіцыстычных твораў, прысвечаных актуальным праблемам сучаснасці, сёлета была ўганаравана Ганна Кандрацюк за кнігу “У прысценку старога лесу. Гісторыі людзей з Белавежскай пушчы” — гэта зборнік рэпартажаў, якія журналістка піша пра Беласточчыну з 1990-х гадоў.
![](https://bellit.info/wp-content/uploads/2023/10/tbuchb3fpuzmm3mmvkr5uy4kk8qjq3hz-1024x978.jpg)
Таксама з фармулёўкай “за чалавечую годнасць, свабоду думкі і творчасці ў нечалавечых умовах” журы адзначыла прэміяй імя Алеся Адамовіча кнігу турэмных апавяданняў Максіма Знака “Зэкамерон”, якую беларускі юрыст напісаў у зняволенні.
![](https://bellit.info/wp-content/uploads/2023/10/pxl_20230217_1156344462-817x1024.jpg)