Першы спеўнік для дзяцей, складзены з беларускіх народных песень, сабраных вядомым фалькларыстам Антонам Грыневічам у перыяд з 1905 па 1924 гадах, упершыню пабачыў свет у 1925 годзе. І вось сёння — амаль сто гадоў пасля першага выдання — кніга атрымала другое жыццё.
У спеўнік увайшлі 33 старанна падабраныя творы з мелодыямі — песні, прыпеўкі, калыханкі, забаўлянкі, акрамя таго укладальнік змясціў у зборніку не толькі прыклады фальклору для дзяцей, але і пазнаёміў з абрадавай і пазаабрадавай лірыкай, танцавальнымі творамі.
![](https://bellit.info/wp-content/uploads/2024/03/432314758_7648323038565518_6520523591269100167_n-1024x683.jpg)
![](https://bellit.info/wp-content/uploads/2024/03/432369333_7648322848565537_1711361595903934251_n-1024x683.jpg)
![](https://bellit.info/wp-content/uploads/2024/03/432256411_7648322925232196_8571285314082229048_n-1024x683.jpg)
![](https://bellit.info/wp-content/uploads/2024/03/432273575_7648323021898853_927206812071454141_n-1024x683.jpg)
Перавыданне мае новым графічнае афармленне з каляровымі малюнкамі, тлумачэннямі, тэкстамі па-беларуску, лацінкай і па-ангельску. Акрамя нот, ёсць і аўдыядадатак, каб слухаць і вучыць мелодыі песень самастойна.
![](https://bellit.info/wp-content/uploads/2024/03/dzsh-01.jpg)
Кніга выйшла прыстоным накладам, яе можна замовіць поштай з дастаўкай па ўсім свеце праз адмысловую форму, а таксама набыць у кнігарнях у Вільні (Гартайка), Варшаве (Кнігаўка на Kłopotowskiego, 4) і Менску.
У найбліжэйшым часе плануюцца прэзентацыі “Дзіцячага спеўніка” ў розных гарадах.7 красавіка першая прэзентацыя адбудзецца ў Познані