Беларускія выдавецтвы працягваюць радаваць чытачоў новымі кнігамі, гэтым разам для дзіцячымі. “Тэхналогія” выпускае вершаваную азбуку, Цымбераў — пераклад са шведскай пра вулкан, а “Папуры” — калядныя гісторыі з французскай.
У выдавецтве “Тэхналогія” выходзіць новая кніга Андрэя Скурко “Хачу ўмець чытаць. Вершаваная азбука” з ілюстрацыямі Вольгі Зароўскай. З дапамогай дасціпных вершыкаў дзеткі маюць засвоіць літары і навучыцца складаць іх у словы. На сайце выдавецтва ўжо цяпер ёсць магчымасць перадзамовіць кнігу, а да канца кастырчніка чытачы змогуць патрымаць азбуку ў руках.
![](https://bellit.info/wp-content/uploads/2023/10/skmbt_c22423101016530_0001-1024x1017.jpg)
![](https://bellit.info/wp-content/uploads/2023/10/skmbt_c22423101018130_0001-1024x515.jpg)
![](https://bellit.info/wp-content/uploads/2023/10/skmbt_c22423101018140_0001-1024x517.jpg)
Выдавецтва “Папуры” выпусціла кнігу “Калядныя гісторыі” цэлай жмені французскіх аўтараў. Гэта чароўныя калядныя апавяданні, якія выдатна падыйдуць для чытання дзецям на ноч. Кніга выйшла ў дзвюх версіях — беларускай і расійскай, а пераклад зрабіла Кацярына Маціеўская.
![](https://bellit.info/wp-content/uploads/2023/10/387854434_647448250851046_5671423721411021010_n-1024x1024.jpg)
![](https://bellit.info/wp-content/uploads/2023/10/387776531_647448320851039_9039070520902060470_n-1024x1024.jpg)
![](https://bellit.info/wp-content/uploads/2023/10/387845475_647448340851037_1828614200552924976_n-1024x1024.jpg)
![](https://bellit.info/wp-content/uploads/2023/10/387782799_647448324184372_50383066246526663_n-1024x1024.jpg)
“Вулкан і цялятка, якое выратаваў Пу” — так называецца дзіцячая навінка ад выдаўца Рамана Цымберава. Аўтарка гісторыі, якую пераклаў Зміцер Плакс — шведская пісьменніца Грэтэ Ротбёль, а за мастацкае афармленне адказвала Вівека Шогрэн.
“Вулкан Нга-Муры ажывае. Пачынаецца вывяржэнне, усе бягуць з маленькае выспы. Усе, акрамя пастуха Пу, які адмаўляецца кінуць тры сотні сваіх кароў. Разам з каровамі ён глядзіць, як чаўны сяброў ператвараюцца ў кропачкі на даляглядзе мора. Але хутка ў Пу зʼяўляецца новы сябар – цялятка, што нарадзілася ў яго на вачах…”
Кнігу пра адвагу і радасць узаемадапамогі можна набыць на сайце knihi.by.
![](https://bellit.info/wp-content/uploads/2023/10/387854188_1991078474618265_6397972479880692368_n-771x1024.jpg)
![](https://bellit.info/wp-content/uploads/2023/10/391679908_338150005392838_8274216263364837243_n.jpg)
![](https://bellit.info/wp-content/uploads/2023/10/391700239_338149992059506_4574549471055220983_n.jpg)
![](https://bellit.info/wp-content/uploads/2023/10/387812231_1991078654618247_5058889961195408534_n-1024x771.jpg)
![](https://bellit.info/wp-content/uploads/2023/10/387821141_1991078607951585_7793246591622770434_n-1024x771.jpg)