На час дадатковых зімовых канікул для 1—2 класаў Літаратурны музей Петруся Броўкі падрыхтаваў адмысловую праграму для самых маленькіх школьнікаў. Супрацоўнікі музея запрашаюць правесці час пазнавальна ды цікава.
Спіс магчымых актыўнасцяў:
- Музейныя заняткі “Калі саджуся за паперу” (у залах музея). Узнаўленне на базе музея пісьменніцкага творчага працэсу: наведнікі змогуць надрукаваць вершы Петруся Броўкі на друкавальнай машынцы.
- Музейныя заняткі “Лучынка” (на базе музея ці ДУА). Заняткі ў гульнёвай форме знаёмяць наведнікаў з перыядычнымі выданнямі мінулага стагоддзя, якія чытаў Пятрусь Броўка ў маленстве. Пры дапамозе часопіса для вясковай моладзі “Лучынка”, дзеці апынаюцца ў атмасферы незнаёмай ім эпохі, пашыраюць веды па гісторыі Беларусі мінулага стагоддзя, развіваюць сістэмнае мысленне і камунікатыўныя навыкі;
- Квэст “Без гальштука” (у залах музея) дазволіць адчуць сабе непараўнаным дэтэктывам і разгадаць тайны музея, судакрануцца з музейнымі прадметамі.
Адрас: г.Мінск, вул. К.Маркса, 30, кв. 4.
Тэл. +375 17 342 09 81 (абавязковы папярэдні запіс).
