Рознае

Журы абвесціла спіс прэтэндэнтаў на прэмію “Дэбют” за 2021–2022 гады

ад

More in Рознае:

Журы зацвердзіла Поўны спіс намінантаў на літаратурную прэмію “Дэбют” імя Максіма Багдановіча. Цяпер прэмія выдаецца раз на два гады, таму сёлетнія прэтэндэнты мусілі выдаць кнігі ў 2021–2022 гадах.

У галіне паэзіі на прэмію “Дэбют” намінаваныя:

  1. Аксана Гаджыў. Канец цытаты. – Выдавецтва «Логвінаў», Вільня, 2022.
  2. Зміцер Крэс. Вялесава племя. – Выдавецтва «Логвінаў», Вільня, 2021.

На прэмію за найлепшую дэбютную кнігу прозы прэтэндуюць:

  1. Канстанцін Касяк. Самаізаляцыя. – «Камунікат» (электроннае выданне), 2022.
  2. Цімур Кудзеліч. Як. – Выдавецтва «Логвінаў», Вільня, 2022.
  3. Таццяна Карытка. Чаму ўсё так? – Выдавецтва «Кнігазбор», 2020.
  4. Антось Уласенка. Новая зямля: Куканія. – «Издательские решения», 2021.
  5. Аляксандр Хацкевіч. Замак на ўзгорку. – Выдавецтва «Галіяфы», Мінск, 2021.

На прэмію за найлепшы мастацкі пераклад намінуюцца:

  1. Алена Карп за пераклад з французскай мовы кнігі Маржан Сатрапі «Персеполіс». – Выдавецтва «Янушкевіч» («Пфляўмбаўм»), Мінск, 2022.
  2. Яўген Папакуль за пераклад са старажытнаісландскай мовы «Эды Сноры Стурлусана». – Выдавецтва «Галіяфы», Мінск, 2021.
  3. Андрэй Строцаў за пераклад з англійскай мовы кнігі Клайва Стэйплза Льюіса. Хронікі Нарніі: Прынц Каспіян. − Выдавецтва «Пазітыў-цэнтр», Мінск, 2022.

У конкурсе ўдзельнічаюць дэбютныя мастацкія кнігі, напісаныя ці перакладзеныя на беларускую мову і выдадзеныя ўпершыню ў папяровым або электронным варыянце ў 2021 і 2022 гадах ці ў 2020 годзе, калі яны не бралі ўдзелу ў прэміі ў 2021 годзе.

У склад журы прэміі ўвайшло пяцёра сябраў: літаратуразнаўца Ульяна Верына; пісьменніца Святлана Курс; паэт і перакладчык Уладзімір Лянкевіч; паэт, перакладчык, выкладчык літаратуры Андрэй Хадановіч; паэтка і перакладчыца Юля Цімафеева.

Літаратурная прэмія “Дэбют” імя Максіма Багдановіча была заснавана ў 2010 годзе пры падтрымцы Беларускага ПЭН-цэнтра, Саюза беларускіх пісьменнікаў і дабрачыннага Фонду “Вяртанне”»”. Яна ўручаецца ў намінацыях “Паэзія”, “Проза”, “Мастацкі пераклад” за найлепшыя дэбютныя кнігі, выдадзеныя па-беларуску. У гэтым годзе суарганізатарамі прэміі выступаюць Bellvory Stiftung (Switzerland), Беларускі ПЭН і Міжнародны саюз беларускіх пісьменнікаў.