“Віленскія камунары” — цяпер у аўдыёфармаце

Аўдыякніга запісаная на ахвяраванні падпісчыкаў праекта audiobooks.by. Напісаны ў 1931 годзе, раман класіка беларускай літаратуры Максіма Гарэцкага «Віленскія камунары» быў надрукаваны толькі ў 1963-м.

Пасля арышту і расстрэлу па прысудзе «тройкі» НКУС ў 1937 годзе ўсе творы пісьменніка былі забароненыя. І толькі пасля рэабілітацыіі ў 1957 годзе літаратурная спадчына Максіма Гарэцкага паступова пачала адкрывацца шырокаму колу чытачоў.

«Віленскія камунары» цікавыя найперш сваёй дакументальнасцю і дакладнасцю адлюстравання жыцця беларусаў падчас гістарычных катаклізмаў пачатку двадцатага стагоддзя.

Агучыў кнігу Віталь Краўчанка. Знайсці і паслухаць яе можна проста зараз на сайце праекта.