Новае беларускае незалежнае выдавецтва TAMAKA першай кнігай выпусціла дэбютны праект фотамастачкі Машы Святагор “Everybody Dance!”. Агулам выдавецтва плануе засярэдзіцца на выданні кніг па выяўленчым мастацтве, фатаграфіі, дызайне і архітэктуры.
Мастацкі зборнік “Everybody Dance!” завяршае 7-гадовае падарожжа ў важны гістарычны перыяд, ствараючы ўнікальную візуальную мову, якая “аб’ядноўвае палітычную крытыку з ілюстрацыяй гістарычнага метаду фотамантажу”, гаворыцца ў анатацыі да кнігі на сайце выдавецтва, дзе проста цяпер можна замовіць асобнік.
Балгарская даследчыца Мая Хрыстава дае глыбокі аналіз “метаду Святагор”, упісваючы яго ў шырэйшы кантэкст сучаснага мастацтва. Яе праніклівы каментар суправаджае мастацкі шлях Святагор ад першай сустрэчы з архівам часопісаў “Савецкае фота”, прывезеным у бульбяным мяху, да глыбокіх і шматслойных работ, створаных з прапагандысцкіх апавяданняў метадам дэмантажу той самай мовы, на якой яны былі пабудаваныя.
Кніга ёсць сукупнай крыніцай “калажнага перыяду” Машы Святагор — серыі работ, якія адначасова распрацоўваюць метад і даследуюць тэму. “Everybody Dance!” — не толькі сведчанне мастацкага бачання Святагор, але і моцнае разважанне пра чалавечы досвед у часы гістарычных узрушэнняў.
Кніга мае агульны наклад 500 асобнікаў, з якіх 100 — на беларускай мове, а 400 — на ангельскай.
