У выдавецтве Рамана Цымберава выйшла анталогія “Гісторыі на Раство”, у якую увайшлі апавяданні на калядную тэму ад розных аўтараў, як айчынных, так і замежных. Укладальніцай выступіла Наталля Шэіна.
У зборніку калядных твораў “Гісторыі на Раство” чытачы знойдуць апавяданні Марыі Багдановіч, маці Максіма Багдановіча ў перакладзе Франца Корзуна, замежных класікаў – Мікалая Ляскова (пераклаў Павел Сітнікаў), О. Генры (пераклаў Франц Корзун), Джэрома К. Джэрома (пераклала Надзея Кім), нобелеўскай лаўрэаткі Пэрл С. Бак (пераклала Ганна Башура), а таксама сучасных беларускіх аўтараў Аляксея Шэіна, Алеся Спіцына, Ганны Серады, Дыяны Козел і іншых.
Выданне “Гісторыі на Раство” ўжо ў продажы ў ГЦ “Купалаўскі” ў Менску, а таксама на сайце kniger.by з перасылкай па ўсім свеце.
