21 студзеня стала вядома пра смерць Ірыны Быкавай, удавы класіка беларускай літаратуры Васіля Быкава. 13 студзеня спадарыні Ірыне споўнілася 99 гадоў. Шчыра спачуваем блізкім.
Сумнай навіной падзяліўся ў сацсетках Сяргей Навумчык. У снежні 2025 году Ірына Быкава трапіла ў 6-ю траўматалагічную клініку, дзе пацвердзіўся пералом сьцягна, а таксама ёй паставілі дыягназ “інфаркт”. Потым яна ляжала ў рэанімацыі.
Ірына Суворава пазнаёмілася з Васілём Быкавым у рэдакцыі газеты “Гродзенская праўда”, у аддзеле культуры якой працавала. Пазней яны пабраліся шлюбам.
Ірына Быкава была захавальніцай літаратурнай спадчыны пісьменніка. Пасля смерці пісьменніка працягвала жыць у Менску на вуліцы Танкавай, дзе Быкаў атрымаў кватэру пасля пераезду ў сталіцу з Горадні.
Фота svaboda.org
