У музеі-дачы Быкава правядуць куратарскія экскурсіі

14-га і 28-га верасня ў 14 гадзін у Музеі-дачы Васіля Быкава ў Ждановічах спецыяльна для ўсіх наведнікаў правядуць адмысловыя куратарскія экскурсіі. Верасень — апошні месяц сезону, з кастрычніка музей-дача закрываецца да вясны.

Экскурсіі правядзе куратарка музея Ірына Князева.

Што чакае наведнікаў:

– змястоўная экскурсія па экспазіцыі музея-дачы, дзе кожны прадмет нагадвае пра тое, што калісьці тут кіпела жыццё, напоўненае любоўю і радасцю;
– інтэлектуальныя размовы па тэме творчасці Васіля Быкава;
– памятныя падарункі кожнаму наведніку.

Кошт: 10 рублёў з асобы.
Адрас: Менскі раён, а/г Ждановічы, вул. 6-я Дачная, 62

Папярэдні запіс па тэл. +375 29 811 21 85, +375 17 363 94 65.